Siglir tar il cuntegn

Header

cuntegn

Raschuns da la mort en Svizra Motivs principals èn malsognas dal cor u da la circulaziun

  • L'onn 2017 èn mortas en Svizra 66'971 persunas, quai èn 3% dapli che l'onn avant.
  • Cun 31,4% èn las pli bleras persunas mortas en consequenza d'ina malsogna dal cor u da la circulaziun.
  • Sco segund motiv da murir en Svizra vala il cancer cun 25,8%.

Ulteriurs motivs per ina raschun da la mort eran mintgamai sut 10%: demenza cun 9,8% e la malsogna da la via respiratorica cun 6,9%. Lura vegnan anc numnads motivs sco accidents, suicidis ed effects esters cun 5,6%. Quai communitgescha l'Uffizi federal da statistica.

Vegliadetgna e motiv per la mort

Da quellas 66'971 persunas ch'èn mortas l'onn 2017 eran 61% pli veglias che 80 onns. 26% da las ulteriuras persunas eran tranter 65 e 79 onns. Be 1,3% dals mortoris eran giuvens creschids tranter 20 e 39 onns e 0,3% da tut ils mortoris eran uffants u giuvenils tranter 1 e 19 onns.

Ils pli blers uffants pitschens moran da malsognas da naschientscha. En la vegliadetgna tranter 16 e 40 è tar um e dunna accidents u suicids las raschuns da mort las pli derasadas e tranter 40 ed 80 è quai il cancer.

Aspectativa da vita

Textbox aufklappenTextbox zuklappen

Las aspectativas da vita eran il 2017 tar 81,4 onns per umens ed 85,4 onns tar dunnas. Sch'ins cumpareglia las aspectativas da vita l'onn 2017 dentant cun las aspectativas da vita da l'onn 2007 pon ins constatar che umens vivan 2 onns pli ditg e las dunnas 1,2 onns pli ditg che anc avant 10 onns.

RTR novitads 09:00

Artitgels legids il pli savens

Ir a sanester Ir a dretg