Tgi che lavura tar l’armada svizra na dastga betg pli duvrar il servetsch da messadis Whatsapp per la lavur. L’armada haja scumandà Whtasapp. Per raschuns da segirtad duai vegnir duvrà enstagl da Whatsapp il servetsch Threema per communitgar.
Threema pli segira
Threema, cun sedia en Svizra, possian ins nizzegiar a moda anonima e saja pli segira en vista a la protecziun da datas, hai gì num da l’armada sin dumonda da l’agentura da novitads Keystone-SDA suenter ch’il Tagesanzeiger aveva rapportà. Ils custs da Threema da quatter francs ad onn pro utilisader surpiglia l’armada.
Ord l'archiv
Ord movits da segirtad bandunan blers Whatsapp. Tge alternativs datti? Experts numnan savens il num Signal, Telegram u Threema. E sch'i va per datas privatas ed anonimas mussani sin l'app svizra: Threema.
