La pandemia haja spustà ils incidents da rassissem dal spazi public en il spazi privat. Quai mussa in rapport da la cumissiun federala cunter rassissem e da l’uniun humanrights.ch.
Era il lockdown ha giugà ina impurtanta rolla. Las observaziuns durant la crisa da corona mussan ina giada dapli, che malsegirezzas e tensiuns en la societad pon manar a discriminaziun dad autras persunas. En tals temps grevs saja la tentaziun gronda da tschertgar persunas apparentamain culpablas.
Totalmain 572 cas da rassissem
Tut en tut han ils posts da cussegliaziun dumbrà 572 cas da rassissem durant l’onn passa. Tar passa la mesadad dals cas sa tracti dad ostilitad cunter persunas extras. Sin posiziun dus suonda il rassissem cunter persunas cun pel stgira e sin posiziun trais ostilitad cunter persunas muslimas.
Ils pli blers cas da rassissem dettia cun 95% cleramain a la lavur, hai num en il rapport.
Ord l'archiv
Cunquai che la metodica d'eruir ils cas ha midà, na fa il rapport nagina cumparegliaziun directa tranter il 2020 ed ils onns avant.
