Siglir tar il cuntegn

Header

cuntegn

Rating mudial dal clima Svizra croda enavos sin plazza 16

Tar la rangaziun mundiala davart il clima sa chatta la Svizra be pli sin plazza 16. L'onn passà era quai anc plazza 9.

La nova ediziun da la rangaziun mundiala è vegnida preschentada oz a chaschun da la conferenza dal clima a Madrid. La raschun che la Svizra ha pers 7 plazzas saja la flaivla politica dal clima. Il Cussegl federal haja bain annunzià da reducir las emissiun da CO2 sin netto-nulla fin il 2050 i manchia però ina strategia co realisar questa finamira.

Er per ils proxims onns nagina strategia

Er la finamira da reducir las emissiuns per 30% fin il 2030 saja fin ussa be ina decleraziun d'intenziun e quai na bastia betg, uschia ils experts per la protecziun dal clima dal WWF Svizra.

Las plazzas 1 fin 3 èn er quest onn betg vegnidas surdadas. Nagin pajais fetschia avunda per il clima, hai num en il rapport. Sin plazza 4 è la Svezia, quai avant il Danemarc, il Marocco e la Gronda Britannia.

RTR novitads 11:00

Artitgels legids il pli savens

Scrollar a sanestra Scrollar a dretga