Siglir tar il cuntegn

Header

cuntegn

Rauba da luxus Kering stritga 400 plazzas en il Tessin

Il concern da rauba da luxus franzos, Kering, transferescha ils proxims onns ulteriuras plazzas da la Luxury Goods International (LGI) dal Tessin en l'Italia. Gia l'atun passà ha il concern fatg quai.

Ins haja reducì fermamain las activitads ed uschia er il dumber da collavuraturas e collavuraturs en il Tessin ha declerà la figlia da Kering, LGI. Quantas persunas ch'èn pertutgadas da las mesiras n'ha la firma betg vulì dir. Il sindicat discurra da 400 da las 800 plazzas che van a perder en ils lieus tessinais da LGI. Pertutgà il pli ferm è la sedia da LGI a Sant'Antonino ed il center da logistica Bioggio.

Il pli ferm pertutgads da la midada sajan cunfinaris, sulet 15 persunas abiteschian en Svizra, ha ditg Giovanni Solari dal sindicat OCST.

RR novitads 17:00

Artitgels legids il pli savens