Las 11 vischnancas dal chantun Zug eran sa defendidas ord da motivs da la protecziun da datas da dar a las partidas politicas las datas da las burgais giuvens e dals novdomiciliads.
La dretgira administrativ n’è betg da medem avis. Tenor ella ha reclama politica in «intent ch’i vala da proteger e ch’è ideal». Ord quest motiv saja quai en proporziun da dar vinavant las datas, scriva la dretgira en sia decisiun.
Reclama politica n’è nagina reclama
L’impuls per il cas giuridic è stada in’acziun da reclama da la PPS dal chantun da Zug. Per las elecziuns federalas 2015 aveva la partida fatg a tuttas vischnancas la dumonda da trametter las indicaziuns da giuvens novdomicilads e da la generaziun veglia feminina.
Nagina vischnanca auter che Oberägeri vuleva dar las datas da lur abitants a la PPS. Sinaquai è sa PPS sa vulvida a la regenza da Zug. Lezza era da medem avis sco las vischnancas ed ha dà in chanaster a la partida.
Il president da la PPS da Zug Thomas Aeschi ha lura protestà tar la dretgira administrativa. El ha argumentà che publicaziuns politicas na sajan effectivamain nagina reclama. A quest’argumentaziun ha la dretgira uss dà ses consentiment.
RR novitads 17:00