Avant Nadal ha La Posta svizra portà ora mintga di 1,4 milliuns pachets. Quai èn 7% dapli che l’onn avant. En ils 30 dis avant Nadal èn quai stads en tut 25 milliuns pachets. Tenor la posta è quai in nov record.
Ils collavuraturs da La Posta en ils center da pachets a Härkingen, Frauenfeld e Daillens hajan stuì far servetschs spezials per dumagnar il dumber da pachets da record a temp, ha communitgà La Posta. Tut las collavuraturas e collavuraturs disponibels sajan stads en acziun. Brevs e spediziuns da reclama percunter èn vegnids tramess damain ch’en il passà.
RR novitads 16:00