Siglir tar il cuntegn

Header

cuntegn

Record da pandemia La protecziun civila ha prestà 560'000 dis da servetsch

La pandemia da corona è stà il temp il pli intensiv en l’istorgia da la protecziun civila. Dapi l’entschatta favrer 2020 èn 41’000 persunas stadas en acziun, quai ha communitgà l’Uffizi federal per la protecziun da la populaziun. En total èn vegnids prestads var 560’000 dis da servetsch durant quest temp. Quai è in record en l'istorgia. Las persunas ch'han fatg servetsch han tranter auter fatg quai durant l'emprima fasa da la pandemia per sustegnair il persunal da sanadad e da tgira u sco agid en ils centers da tests durant la segunda fasa da la pandemia. Sper quai èn els er stads activs en il contact tracing, centers da vaccinar ubain han liquidà auters pensums da transport e logistica.

Ord l'archiv

Er en il chantun Grischun è la protecziun civila stada activa sin divers camps durant la pandemia, uschia per exempel en il contact tracing.

video
Gino Clavuot è manader dal team da contact tracing a Cuira
Or da Telesguard dals 13.11.2020.
abspielen. Laufzeit 3 minutas 39 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga