Siglir tar il cuntegn
cuntegn

Svizra Reducir dependenza dals giuvenils da l'agid social

En Svizra duain damain persunas giuvnas daventar dependentas da l'agid social. Cunzunt duain giuvenils vegnir sustegnids meglier cura ch'i va per cussegliaziun professiunala e tschertgar plazza.

Ina giuvna lavura vid in computer.
Legenda: L'agid sin via en la vita professiunala duai vegnir meglierà. Keystone

Il parlament pretenda dal Cussegl federal ina strategia cun questa finamira. Era duai la collavuraziun tranter chantuns e vischnancas vegnir meglierada. Latiers ha il Cussegl dals chantuns inoltrà ina moziun da la cussegliera naziunala Silvia Schenker (PS Basilea-Citad).

Sustegn nuninterrut el center da la moziun

Schenker aveva argumentà che quella moziun veglia cunzunt in sustegn cuntinuant da las persunas giuvnas tar la midada da la scola en la vita professiunala. Il Cussegl federal è stà d’accord cun la moziun.

RR novitads 17:00