Siglir tar il cuntegn
Inhalt

Svizra Reducziun da filialas da Posta tenor plan

La Posta Svizra fa bilantscha positiva davart la reorganisaziun da la rait da las filialas da posta.

Logo Posta Svizra.
Legenda: Tenor la Posta è la reorganisaziun da las raits da posta sin buna via. Keystone

Actualmain datti anc 1'114 filialas da posta en Svizra. La Posta Svizra sa vesa sin curs per cuntanscher la mira da la reorganisaziun. Fin il 2020 vul la Posta serrar ulteriuras 200 fin 300 filialas tenor ils plans enconuschents dapi il 2016. Els cuntanschian questa finamira, ha ditg il responsabel per la rait da postas Thomas Baur ad ina conferenza da medias a Friburg

Raschuns finanzialas

La nova strategia da la Posta Svizra vegn tranter auter er argumentada cun raschuns finanzialas. Mintg’onn resultia in deficit da radund 200 milliuns francs. I giaja persuenter da stabilisar quest deficit per uschia pudair finanziar las purschidas cun agens meds senza subvenziuns.

Tenor indicaziuns da la Posta è il deficit da las filialas da posta sa reducì l'emprim mez onn dal 2018 per 28 milliuns sin anc 60 milliuns francs.

Ord l'archiv

Legende: Video Posta serra filialas pitschnas – Camischolas abspielen. Laufzeit 04:13 Minuten.
Or da RTR dals 15.10.2018.

RR novitads 11:00