L'economia svizra è sa reducida massivamain il segund quartal pervi da la pandemia da corona. Da l'avrigl fin il zercladur è il product naziunal brut sa reducì per 8,2% cumpareglià cun l'emprim quartal. Tenor il Secretariat da stadi per l'economia Seco è quai la pli ferma reducziun dapi il 1980 cura ch'ins ha cumenzà da registrar las cifras dal quartal.
Cumpareglià cun ils pajais vischins è la reducziun dentant main ferma. La Frantscha e l?Italia han nudà reducziuns da 13,8% respectiv 12,4%, la Germania in minus dal BIP da 9,7%.