Referendum cunter la nova lescha dal servetsch secret è grategià

Da las 56'347 suttascripziuns inoltradas sajan valaivlas 56'055. Quai communitgescha la Chanzlia federala.

Cameras da surveglianza ed in egl avert. Bild in Lightbox öffnen.

Legenda da maletgs: Svizras e Svizzers han la chaschun da decider davart la lescha dal servetsch secret. Keystone

Rimnà las suttascripziuns per il referendum ha in’allianza da represchentants da la partida social-democratica, dals giuvens socialists sco era dals Verds. Ed era activas èn stadas organisaziuns sco la “Societad digitala” e “Grundrechte.ch”.

La nova lescha federala vul dar al servetsch secret novas cumpetenzas, tranter auter da survegliar stanzas privatas e computers. Uschia smanatschia in stadi spiunant, è in dals arguments dals adversaris.

In termin da votaziun per la lescha dal servetsch secret na datti anc betg. Tant il Cussegl naziunal sco era il Cussegl dals chantuns avevan approvà la lescha il settember passà. Avant 6 onns aveva ina sumeglianta lescha anc fatg naufragi.

RR Novitads 16:00