Il comité da referendum ha inoltrà passa 55'000 suttascripziuns a la chanzlia federala. Necessarias per il referendum èn 50'000. Il parlament aveva deliberà la lescha la primavaira. Grazia a quella pon las assicuranzas socialas laschar observar lur assicurads da detectivs sche quellas supponan ch'i vegnia fatg maldiever.
Il referendum vegn tranter auter sustegnì da la PS, ils Verds u er Travail.Suisse. La votaziun è planisada per ils 25 da november.
RR novitads 17:00