Il Cussegl federal vul refurmar l'assicuranza d'invaliditad. El metta in accent tar ils giuvenils e tar persunas cun ina malsogna psichica. Lur integraziun en la vita da lavur duai vegnir promovida spezialmain.
Concret vul il Cussegl federal midar la glista da las mendas da naschientscha. Ultra da quai vul el che giuvenils survegnan cussegl ed accumpagnament tenor basegn. A lunga vista, e quai vala er tar creschids cun malsognas psichicas, duai la cussegliaziun cumenzar a temp.
