Siglir tar il cuntegn

Header

cuntegn

Svizra Rega: Blers sgols per sportists d'enviern

Ils ultmis trais dis ha la Rega organisà passa 110 servetschs per persunas ferm malsaunas u ch'han gì in accident. Pli che la mesadad dals sgols èn stads a favur da sportists d'enviern ch'han gì in accident.

Dapi Nadalnotg enfin la mesemna saira han las crews da la Rega fatg passa 110 servetschs per persunas en miseria, ferm malsaunas u blessadas. En passa la mesadad dals cas è la Rega stada en acziun pervi d'accidents da sportists d'enviern. La mesemna, ils 26 da december, è stà il di il pli intensiv cun passa 50 sgols, scriva la Rega en sia communicaziun. Ils 25 da december ha la Rega gidà 40 pazients ed ils 24 da december 20 persunas.

Stuì sgular il pli savens han las equipas en la Part Sura Bernaisa ed en il Grischun. Pervi da la bell'aura che carmala er dapli glieud sin pista, quinta la Rega da stuair sgular er ils proxims dis pli savens.

RR novitads 18:00

Artitgels legids il pli savens