Siglir tar il cuntegn

Header

Helicopter da la Rega
Legenda: MAD / REGA
cuntegn

Rega Damain acziuns il 2019

La Rega ha gidà passa 11'000 persunas l'onn passà. En media èn quai 30 persunas per di. Cumpareglià cun l'onn avant è quai in minus da bunamain 4%.

  • La Guardia aviatica svizra da salvament Rega ha gidà l'onn passà a 11'167 pazientas e pazients.
  • En total ha la Rega survegnì sustegn da 3,552 milliuns fauturs – 70'000 persunas u 2% dapli ch'il 2018.

La Rega po guardar enavos sin in onn intensiv; Il 2019 ha la Guardia aviatica svizra organisà 16'782 acziuns. Quai èn 2% damain che l'onn avant e il segund pli aut dumber dapi l'onn da record il 2018. Quai resulta da la nova bilantscha da la Guardia aviatica svizra da salvament.

Er en l'exteriur è la guardia aviatica stada en acziun. Il 2019 ha la Rega repatrià en total 1'345 pazientas e pazients. Da quai èn 972 pazients vegnids transportads cun in dals jets d'ambulanza.

Per las acziuns en il chantun Grischun parta la Rega il pli savens da las basas a Vaz Sut, Samedan e Mollis en il chantun Glaruna. Il dumber d'acziuns dils davos onns da quellas basas reflecteschia las cundiziuns da l'aura ed il cumportament da la populaziun svizra. Tenor Adrian Schindler, il responsabel da medias da la Rega, saja ina tscherta fluctuaziun normala.

Acziuns dalla Rega dallas basas che sgolan en il Grischun:

201920182017
Basa Vaz Sut845890713
Basa Samedan586647611
Basa Mollis651523531

RTR novitads 11:00

Dapli da Svizraavrir la Landingpage

Nach links scrollen Nach rechts scrollen