- La Guardia aviatica svizra da salvament Rega ha gidà l'onn passà a 14'207 pazientas e pazients.
- En total ha la Rega survegnì sustegn da passa 3,6 milliuns fauturs – 1'300 persunas dapli ch'il 2021.
Ils 20 helicopters da la Rega sco era ils trais jets d’ambulanza sajan sgulads uschè savens sco anc mai, scriva la Guardia aviatica svizra da salvament en ses rapport 2022. Il dumber dals sgols per transportar pazients e pazientas enavos en Svizra è s'augmentà per passa in terz sin prest 1'300 sgols da repatriaziun. Sco raschun per il pli grond dumber d'acziuns numna la Rega la bun'aura, e co Svizras e Svizzers passentan il temp liber e viageschan en l'exteriur.
458 collavuraturas e collavuraturs han lavurà durant il 2022 per il salvament aviatic. Il resultat da gestiun haja muntà a 35,6 milliuns francs.
