La Rega è stada en acziun passa 150 giadas sur ils dis da Pasca. La raschun principala per il clom d'agid èn stads sportits ch'èn sa blessads. La bell'aura haja carmalà numerusa glieud en la natira, communitgescha la Rega. Il pli intensiv di saja stà la dumengia da Pasca cun 60 acziuns.
Quest dumber d'acziuns na saja betg nun-usità per da quest temp, scriva l'organisaziun da salvament. La Rega saja stada preparada per la situaziun ed haja perquai staziunà helicopters supplementars en il Grischun e la Surselva Bernaisa.
Ord l'archiv da la Rundschau: