La centrala da la Rega ha per la prima giada organisà dapli che 15’000 sgols l’onn passà. Cunquai ha il servetsch da salvament gidà mintga 35 minutas ina persuna ord ina situaziun d’urgenza. Tant ils helicopters sco er ils jets d’ambulanza hajan fatg dapli sgols.
L’augment da 4,3% cumpareglià cun l’onn passà, attribuescha la Rega tranter auter a la stad extraordinaria cun temperaturas chaudas e bell’aura. Quai haja carmalà blers en il liber, uschia la Rega. Il fanadur en ils helicopters da salvament per exempel stads en acziun 18,3% dapli che l’onn avant. L’avust munta il plus ad 8% cun 1464 sgols.
