Siglir tar il cuntegn
cuntegn

Svizra Rega sgola mintg'ura duas acziuns

La Rega ha gidà l’onn passà 11'579 pazientas e pazients. Cumpareglià cun il 2017 è quai in plus da 7,3%.

In helicopter da la Rega en l'aria.
Legenda: Surtut ils mais da stad èn ils helicopters da la Rega stads dumandads. Keystone

Per la prima giada en sia istorgia ha l’aviatica da salvament organisà passa 17'000 acziuns, quai en 7,3% dapli che l’onn avant. En media èn quai radund duas acziuns per ura – di e notg, communitgescha la Rega.

Surtut ils mais da stad èn ils helicopters da la Rega stads dumandads. Las 12'573 acziuns èn in plus da 6,8% cumpareglià cun l’onn avant. La raschun per quest augment saja surtut la lunga perioda da bell’aura.

Passa 3,4 milliuns fauturas e fauturs

La Rega ha plinavant pudì augmentar ses dumber da fauturas e fauturs per 47'000. Actualmain sustegnan passa 3,4 milliuns persunas en Svizra l’aviatica da salvament cun lur contribuziun annuala.

RR novitads 16:00