Siglir tar il cuntegn

Header

cuntegn

Svizra Regenza da Gambia vul enavos Sonko

La nova regenza da Gambia empermetta in process gist per Ousman Sonko en il pajais.

La regenza da la Gambia pretenda da la Svizra dad extrader l’anteriur minister da l’intern Ousman Sonko. Ins preparia ina dumonda correspundenta. Quai ha ditg la ministra da commerzi da la Gambia envers l'agentura da novitads sda.

Sonko è dapi la fin da schaner en arrest d’inquisiziun en Svizra. Ad el vegn renfatschà d’avair commess crims cunter l’umanitad en la Gambia. Quai tranter il 2006 ed il settember 2016, nua ch'el è stà minister da l'intern da la Gambia. La Procura publica federala investighescha en chaussa.

Suenter ch'il president Yahaya Jammeh è vegnì mess giu suenter in'intervenziun militara è Sonko stgappà en Svizra. Il schaner è el vegnì arrestà a Lyss, Berna. Il november avant aveva el tschenta ina dumonda d'asil.

RR novitads 17:00

Artitgels legids il pli savens