Pierre Maudet manchenta probablamain sia reelecziun en la regenza. La candidata dals Verds, Fabienne Fischer, maina tenor ils resultats intermediars cleramain. La giurista da 59 onns ha pudì far quint cun il sustegn da la partida social-democratica e da la partida da la lavur. Il resultat definitiv vegn spettgà sin questa saira.
L'anteriur politicher da la PLD ha entant concedì sia terrada. Cunquai èn ils Verds la PS cun 4 represchentants uss en la maioritad da la regenza da set chaus.
Pierre Maudet è sa retratg suenter ch'igl è vegnì enconuschent, ch'el aveva fatg in viadi da luxus pajà da l'Arabia Saudita. Pli tard ha Pierre Maudet annunzià da candidar per sia atgna successiun, quai sco candidat independent.