Tar l'uffizi da sanadad en Grischun datti bainbaud ina nova partiziun Covid-19.
Quella partiziun duai dumagnar a lunga vista las incumbensas che la Confederaziun ha surdà al chantun en connex cun il virus. 16 plazzas èn prevesidas per questa lavurs da contact tracing ed autras lavurs en connex cun il coronavirus.
Sco i ha num en la communicaziun dal Departament da sanadad, sa cumpona la nova partiziun da persunas spezialisadas dals secturs organisaziun, sanadad, dretg e communicaziun.
Actualmain sajan en Grischun 28 persunas en isolaziun e 69 persunas en quarantina. Ina persuna vegn tgirada en l'ospital, stat vinavant scrit en la communicaziun.