Vi da la pratica na sa mida però nagut. Il chastis restan ils medems. Cunquai che tut las interpresas da transport fan part dal medem sistem po vegnir spargnà custs ed augmentà l'effizienza da tschentar ora ils quints. La decisiun d’introducir il register aveva il parlament tratg il 2015.
3% dals viadis vegnan fatg senza bigliet
En Svizra vegni mintg’onn registrà 800’000 cas, nua ch’igl è vegnì viagià senza bigliet, quai èn 3% da tut ils viadis. Al traffic public va uschia a perder mintg’onn ina summa da tranter 50 e 70 milliuns francs.
Reglas ed incasso restan chaussa da mintga interpresa
Tgi che vegn per exempel traplà senza bigliet tar la SBB sto l'emprima giada pajar 90 francs, la segunda giada 130 francs e la terza giada 160 francs. Quai n'èn però betg chastis en il senn giuridic, mabain supplements che las viafiers incasseschan. Ils daners restan uschia er tar la SBB.
RR novitads 12:00