Svizra - Register penal per interpresas vegn refusà
Il Cussegl dals chantuns renviescha in register penal per interpresas. Quel aveva il Cussegl federal proponì en il rom da la nova lescha davart il register penal. Actualmain n'èsi betg pussaivel d'inscriver persunas giuridicas en il register penal.
Tenor la maioritad dal Cussegl dals chantuns fiss il niz d'in register penal per interpresas fitg pitschen ed ils custs per eriger e manar quel fitg grond. Uschia ha argumentà la maioritad.
Darar registraziuns en il register penal
La raschun principala per la refusa è il fatg che mo fitg paucas sentenzias vegnissan registradas. Per regla pon interpresas numnadamain mo vegnir chastiadas, sch’il delict na po betg vegnir attribuì ad ina persuna natirala.
