En media ha l'autoritad da polizia alarmà passa trais giadas il mais ina polizia chantunala per proteger politichers, rapporta la gasetta Schweiz am Wochenende. Las annunzias pertutgan persunas ch'èn protegidas da la Confederaziun sco cussegliers federals, parlamentaris e procuraturs publics.
Quantas annunzias seriusas ch'i ha dà ils ultims onns na po l'autoritad betg dir. Il 2018 è stà l'emprim onn ch'ins haja distinguì questa cifra. Tenor indicaziuns pli veglias da la Confederaziun hai dà bleras annunzias sur tut tar temas da fugitivs u la politica d'Europa. Il dumber da cas creschia mintgamai avant votaziuns ed elecziuns.
RR novitads 11:00