L'annunzia d'in incendi haja cuntanschì ils pumpiers dumengia saira da las 22:40 uras. Las forzas da salvament han constatà fim e flommas che vegnivan ord in bajetg en la vischnanca da Leuzigen en il chantun Berna. Dus creschids ed in uffant han ils pumpiers pudì salvar giu d'in tetg. In ulteriur uffant haja bandunà la chasa independentamain. Questas quatter persunas sajan blessadas levamain. Per dus ulteriurs uffants èn las mesiras d'agid vegnidas memia tard, els èn anc morts al lieu, scriva la polizia da Berna. Enturn las 02:30 uras era il fieu stizzà. Daco ch’i ha brischà vegn anc sclerì.
cuntegn
Regiun lai da Bienna Dus uffants èn morts tar incendi en ina chasa
En la regiun dal lai da Bienna a Leuzigen èn dus uffants morts tar in incendi en ina chasa. Quatter ulteriuras persunas han pudì sa salvar, sco la Polizia chantunala bernaisa e la procura publica da la regiun han annunzià.
Parter
RTR novitads 12:00