Ils responsabels dad interpresas cotadas a la bursa sentan adina dapli resistenza. Tenor ina retschertga represchentativa da la cussegliaziun d'indemnisaziuns HCM Hostettler & Company (HCM) beneventan 48% dals dumandads dapli intervenziuns statalas per reglar las pajas da managers. Avant in'onn eran quai anc 44%.
Las intervistas èn stadas il mars ed avrigl, cura che la critica dals bonis tar la Credit Suisse era la pli ferma. Quasi 3 da 4 beneventan plinavant ina limita da paja maximala. Nua che quella è exact, là èn las opiniuns divididas.
RR novitads 15:00