Siglir tar il cuntegn

Header

Duas dunnas en in bus portan giaccas cun pail.
Legenda: Artifizial u propi in pail dad in animal? Las novas reglas da decleraziun duain procurar per transparenza tar la cumpra. Keystone
cuntegn

Svizra Reglas pli severas per la vendita da pail

Davent da l'emprim d'avrigl ston ils producents ed ils vendiders da products cun pail inditgar la derivonza.

Pails d’animals ston il futur vegnir nudads cun l’expressiun «vair pail», «Echtpelz». La nova decleraziun ch’il Cussegl federal ha decidì duai levgiar a la clientella da distinguer sin in’egliada sch’i sa tracta dad in pail artifizial ni dad in pail che deriva dad in animal.

In’autra midada da l’ordinaziun duai far transparenta la moda e maniera co in pail è vegnì producì. Sch’el deriva da metodas da chatscha ni da tratga che na correspundan betg a las leschas svizras per la protecziun dals animals, per exempel la chatscha cun traplas ni ina tratga en chasets cun funs da giatter, sto quai vegnir nudà sin la decleraziun. Quai vala era per quels cas nua ch’i dat naginas infurmaziuns crediblas davart la producziun.

Per tadlar curt e cumpact:

RTR novitads 12:00

Artitgels legids il pli savens

Scrollar a sanestra Scrollar a dretga