Reglas unifitgadas per professiuns da sanadad

La furmaziun dal persunal da tgira, da fisioterapeuts e d’ulteriuras professiuns da sanadad vegn unifitgada en l’entira Svizra. En vista a las sfidas demograficas e talas da la politica da sanadad n’è questa finamira betg stada contestada.

Ina fisioterapeuta cun duas pazientas. Bild in Lightbox öffnen.

Legenda da maletgs: La furmaziun da fisioterapeutas vegn era reglada en la nova lescha federala. Keystone

Suenter il Cussegl dals chantuns ha er il Cussegl naziunal approvà la nova lescha davart las professiuns en il sectur da sanadad. L’idea da schlargiar la glista da las professiuns cun la radiologia medicinal-tecnica e cun in livel master per la tgira n’han gì nagina schanza.

Tge cumpetenzas ch’èn necessarias per lavurar en quest sectur, definescha il Cussegl federal ensemen cun las scolas autas pertutgadas e cun las organisaziuns professiunalas. Latiers tutgan cumpetenzas persunalas e socialas.

Proteger pazients

Plinavant introducescha il parlament in register professiunal naziunal. Quel duai impedir che persunas cun in scumond da lavurar en in chantun pon ir a lavurar senza problems en in auter chantun.

Pervi da midadas ch’il Cussegl naziunal ha fatg sto il Cussegl dals chantuns anc ina giada sa fatschentar cun questa lescha.

RR Novitads 14:00