Siglir tar il cuntegn

Header

Navigaziun

Purtret da Regula Rytz che guarda pensiv.
Legenda: Regula Rytz vul candidar per il Cussegl dals chantuns da Berna. Keystone
cuntegn

Svizra Regula Rytz vul ir en Cussegl dals chantuns

Ils Verds dal chantun Berna van l’onn che vegn cun cussegliera naziunala Regula Rytz en las elecziuns dal Cussegl dals chantuns. L’anteriur cusseglier guvernativ da Berna Bernhard Pulver, desista da candidar. Quai han omadus annunzià oz.

Bernhard Pulver desista da candidar perquai ch'el surpiglia proxim onn il post dal president dal cussegl d'administraziun da la gruppa d'ospitals Insel a Berna, il pli grond patrun en il chantun Berna, cun 10'000 collavuraturs. Quest nov pensum na sa cumportia betg bain cun in cumbat electoral.

Regula Rytz sto anc vegnir nominada uffizialmain da sia partida. Quai succeda ils 15 da schaner. La presidenta dals Verds da 56 onns è dapi il 2011 cussegliera naziunala. Ils Verds e la PS vegnian a cumbatter communablamain, ha declerà Rytz.

Retscha da candidats

Per il Cussegl dals chantuns candideschan uschia Hans Söckli da la PS, Christa Markwalder da la PLD, Kathrin Bertschy per ils Verdliberals e Marianne Streiff per la Partida evangelica. Per la PPS duai er insatgi candidar, tgi n'è dentant anc betg enconuschent. Werner Luginbühl (PBD) fetschia bainbaud enconuschent sch'el candidescha u betg.

RR novitads 12:00