Siglir tar il cuntegn

Header

cuntegn

Svizra Rehetobel: Delinquent mort – policist cumbatta per sia vita

Spezialists hajan pliras uras empruvà da muventar l'um da dar si. El sa chattava datiers d'in abitadi en la vischinanza dal vitg Rehetobel. L'um è stà armà. La finamira da na betg sponder dapli sang è dentant betg gartegiada. L'um ha sajettà sin sasez cura che la polizia vuleva arrestar el.

  • Dad in sajettim en la vischnanca da Rehetobel (AR) vegnan 2 policists blessads, in grevamain.
  • Il sajettim è capità mardi avantmezdi durant ina perquisiziun d'ina chasa. Il motiv per quella saja stà che la polizia sminavia che l'um haja là ina plantascha da chonf.
  • I na sa tracta betg dad in act terroristic.
  • Pliras uras han las contractivas cuzzà, però senza success.
  • L'um ha fatg suicidi.
  • L'um era enconuschent a la polizia.

L'um che ha sajettà mardi en damaun sin dus policists a Rehetobel en il chantun Appenzell Dadora è mort. Quai han confermà las autoritads durant ina conferenza da medias a Herisau mardi saira.Mardi avantmezdi ha la polizia perquirì sia chasa pervi dal suspect d'ina plantascha da chonv. El ha sajettà sin ils policists. In dals policists è tenor las autoritads anc adina en privel da vita.

Enconuschent a la polizia

I sa tracti d'in um svizzer da 33 onns ch’è stà enconuschent a la polizia pervi da differents delicts. Tranter auter pervi da pliras emprovas da mazzament, blessuras corporalas grevas e perquai ch’el haja cuntrafatg a la lescha d’armas. Perquai che l'um è stà memia giuven cura ch'el ha commess quests delicts, n'ha el betg stuì ir en praschun il 2004. La dretgira aveva lura sentenzià el a mesiras da correcziun.

RR novitads 10:00+

Artitgels legids il pli savens