Legenda:
La pussaivladad d'inoltrar ina dumonda d'asil en ambassadas svizras a l'exteriur era vegnida abolida il 2013.
Keystone
cuntegn
Svizra - Reintroducir l’asil tar ambassadas per salvar vitas
L'Agid svizzer als fugitivs e la Caritas pretendan da reintroducir l'asil tar ambassadas. Cun quest pass pudessian ins gidar d’avrir rutas da fugia segiras, uschia il pledader da l'Agid svizzer als fugitivs Stefan Frey.
Er il Cusseglier dals chantuns Peter Föhn da la PPS, il vice-president da la cumissiun da las instituziuns politicas, fiss avert per ina discussiun. Tenor el saja la reintroducziun da l'asil tar ambassadas dentant mo in tema, sch'ils pajais da l'UE fan il medem pass.
L'Agid als fugitivs perencunter pretenda che la Svizra giaja ordavant cun l'exempel. La pussaivladad d'inoltrar ina dumonda d'asil en ambassadas svizras a l'exteriur era vegnida abolida il 2013.
