Siglir tar il cuntegn

Header

cuntegn

Relaziun Svizra – China «Navigar en auas turbulentas»

La Svizra duai examinar sia relaziun cun la China. Delicata daventa la relaziun cun il terz grond partenari da commerzi da la Svizra sch'ins considerescha la situaziun geopolitica engrevgiada. Dumandadas sajan diplomazia e buna communicaziun, quai concluda in studi d'Avenir Suisse.

Privel per l'economia svizra

Sch'il volumen da commerzi da la China crudass davent, tutgass quai ferm la Svizra. L'economia e la politica da la Confederaziun stoppia perquai agir a moda agila, scriva il lavuratori d'ideas Avenir Suisse en ses studi. La relaziun sfradentada tranter la China ed il Vest saja in privel per l'economia publica svizra.

Trais stgalims d'escalaziun

Avenir Suisse preschenta strategias sin trais stgalims d'escalaziun co la Svizra duess agir. Tar pitschen squitsch saja la strategia, da tegnair China a buna luna. Tar dapli squitsch vegn recumandà da sa concentrar sin l'Uniun europeica ch'è l'impurtant partenari da commerzi da la Svizra. Tar grond squitsch duai la Svizra agir sut la directiva da l'UE e s'avischinar a la posiziun dals Stadis Unids sco durant la guerra en l'Ucraina ed esser unida cun il Vest.

RTR novitads 06:00

Artitgels legids il pli savens

Scrollar a sanestra Scrollar a dretga