Remigi Winzap, oriund da Falera, lavura il mument en il Secretariat da stadi per l'economia (SECO). Là è el il responsabel per il dialog davart politica commerziala cun la Gronda Britannia. Plinavant dirigia el las tractativas en la cunvegna plurilaterala davart commerzi cun prestaziuns da servetschs.
Dal 2012 fin il 2016 è Winzap stà ambassadur e manader da la missiun permanenta da la Svizra tar la WTO ed autras organisaziuns economicas internaziunalas a Genevra. El è era stà commember da la direcziun generala dal Seco.
Dal 2007 fin il 2012 è el stà manader dal ressort WTO tar il Seco. Dal 2001 fin il 2006 è Remigi Winzap stà cusseglier d'ambassada tar la missiun Svizra a Brüssel.
Avant sia lavur per l'administraziun federala ha Winzap lavurà sis onns tar la UBS a Genevra, Basilea e New York. El ha studegià giurisprudenza a Genevra ed a l'Ecole Nationale d'Administration (ENA) a Paris ha el fatg in studi en administraziun publica.
RR novitads 14:00