Siglir tar il cuntegn

Header

cuntegn

Renta transitorica Sustegn per dischoccupads sur 60 onns

Entras ina renta transitorica vul il Cussegl federal meglierar la segirtad sociala da persunas dischoccupadas veglias.

Il parlament federal ha da s'occupar cun la renta transitorica per dischoccupads vegls. Il Cussegl federal haja deliberà il sboz d'ina nova lescha, ha ditg oz il cusseglier federal Alain Berset a las medias. Persunas sur 60 onns, che na benefizieschan betg pli da l'indemnisaziun da dischoccupaziun, duain survegnir fin la pensiun regulara ina renta transitorica. Quai dentant mo sch'ellas han pers lur plazza cun 58 onns u pli tard. Plinavant ston ellas avair pajà en almain durant 20 onns a l'AVS ed avair ina facultad da sut 100'000 francs.

Situaziun actuala è problematica

Persunas che perdan curt avant la renta lur plazza, han savens dapli problems da puspè chattar lavur che glieud giuvna. Sche quellas persunas na chattan nagina plazza e han gia consumà dal tuttafatg lur dretgs da schurnada, ston ellas sco emprim duvrar si tut lur possess, lur renta da l'AVS, sco er lur dabun da vegliadetgna ord la segunda e terza pitga avant ch'ellas survegnan agid social. Adina dapli persunas pli veglias èn vegnidas ils ultims onns en ina tala situaziun. La quota d'agid social tar persunas tranter 60 e 64 onns è numnadamain creschida tranter il 2011 ed il 2017 per 47%. Dapli che en tut tschellas categorias.

audio
Saira: Renta per persunas sur 60 che perdan lur lavur
ord Actualitad dals 30.10.2019.
laschar ir. Durada: 2 minutas 43 Secundas.

RR novitads 16:00

Artitgels legids il pli savens