En Svizra èn radund trais quarts da las dunnas activas en ina professiun. Las bleras lavuran parzialmain. En media munta il grad d’occupaziun a 50%.
Sco Eveline Widmer-Schlumpf, la presidenta da Pro Senectute Svizra ha ditg en in’intervista cun la »NZZ am Sonntag«, duess mintga dunna lavurar cun in pensum d'almain 70%. Be uschia fissi pussaivel da viver pli u main bain en la vegliadetgna. Tar in pensum pli pitschen vegnia quai pli grev. Il medem vala dal reminent er per ils umens, uschia Widmer-Schlumpf vinavant.
Critica cunter Widmer-Schlumpf
Quest appel vegn crititgà da pliras varts: Tenor la cussegliera naziunala da la PPS, Monika Rüegger stoppia ina dunna pudair decider sezza en tge fasa da la vita ch’ella lavura cun tge pensum. Tenor la co-presidenta da la PS, Mattea Meyer manchian las cundiziuns da basa per pensums uschè auts.
