Siglir tar il cuntegn

Header

cuntegn

Repatriaziun turists svizzers EDA ha sgulà a chasa passa 2'000 Svizzers

Il Departament federal d'affars exteriurs EDA ha organisà 12 sgols da l'America Latina, l'Africa e l'Asia e sgulà a chasa passa 2'000 Svizzers. Quai scriva l'EDA online. Las persunas pertutgadas n'hajan betg pli pudì organisar sezzas lur return pervi da la crisa a corona. En il decurs da l'emna sajan ulteriurs sgols planisads. Oz gievgia turnan viagiaturs svizzers da Yangon (Myanmar) e Casablanca (Maroc). Venderdi è planisà ch'aviuns da Phuket (Tailanda), Quito (Ecuador) sco era da Phnom Penh (Kambodscha) arrivan a Turitg. E per dumengia è previs in sgol da Sydney (Australia) a Turitg.

Plinavant hajan er pudì turnar radund 1'000 burgais d'auters pajais cun ils sgols, e cuntrari hajan er Svizzers pudì turnar cun sgols d'autras naziuns.

RTR novitads 06:00

Artitgels legids il pli savens

Scrollar a sanestra Scrollar a dretga