La saira da las 18:00 s'entaupan tut ils gidanters e gidantras sut la chamona dal Calanda sin radund 1'900 meters sur mar, per preparar il fieu. Da giuven fin vegl han tuts tratg en chaud ed han cun la giacca da plievgia. Mintgin survegn in pensum. Far ora lain, purtar la laina, observar l'aura ubain construir la piramida da lain. Far il fieu vegn fatg da tutt’aura.
Dapi passa 40 onns è Hans Gasser – ensemen cun sia famiglia e ses amis – stà responsabel per il fieu d'autezza tradiziunal ed ha fatg plaschair als da Cuira giu en la val. Grazia a ses grond engaschi han las flommas flammegià er quest onn il Calanda.
Jau na poss betg dar giu mes post fin che jau hai anc ina giada dà fieu a la crusch. Probabel fatsch jau quai anc ina giada il 2024.
Betg mintg'onn ha il fieu sin ils auts pudì vegnir dà fieu al Calanda. La decisiun vegn mintgamai tratga curt avant che l'Ascensiun cumenza. Pervi da la situaziun exponida sto il project vegnir interrut en cas da trid'aura. Malgrà che las relaziuns vegnan valitadas per gronda part bain, hai er dà situaziuns malempernaivlas.
Gidanters e gidantras
Suenter las preparaziuns vai sin il commando da Hans Gasser en la chamona: stgaudar si e rimnar las forzas per la saira. Arrivà en il chaud datti in refrestg ed ina tschaina per tut ils gidanters e gidantras. I dat spaghettis, café, gervosas, petta da tscharescha ed in ni l'auter prenda in tubac. I dat bler da raquintar ed els sa regordan da muments ch'els n'emblidan betg pli uschè spert sco per exempel cura che els levan envidar la crusch ed en vegni en in urizi durant che chametgs devan en dretg e sanester.
A las 21.30 èsi uschè lunsch. Tuts èn sa rimnads e Hans Gasser dat fieu.
