Svizra - Requirents d’asil duain pudair far be ina giada recurs
La partida populara svizra vegn cun pretensiuns concretas per sia politica d'asil restrictiva. Requirents d'asil duain pudair far sulettamain ina giada recurs cunter ina decisiun d'asil negativa.
Vitiers duain persunas, che n'han nagina permissiun da dimora pli e ch'èn illegalmain en Svizra, survegnir nagin agid d'urgenza. Questas duas pretensiuns ha la fracziun da la PPS mess en duas iniziativas parlamentaras. Plinavant ha la partida preschentà a las medias in palpiri da posiziun cun ulteriuras pretensiuns.
