Quella pericliteschia la strategia d'energia, las finamiras dal clima, la segirezza dal provediment electric ed indirectamain er ils tschains d'aua, communitgescha la cuminanza d'interess. La cuminanza d'interess pretenda cundiziuns adequatas a quellas en ils pajais da l'Uniun europeica.
Opiniuns divididas
Er l'uniun tetgala dals lavurants Travail.Suisse refusa il sboz da lescha. Er sch'ins na saja da principi betg encunter l'avertura al martgà d'electricitad. Il problem saja, che la lescha na prevesia naginas mesiras accumpagnantas a favur dal persunal en la branscha d'electricitad.
Tut auter vesa quai la Partida verd-liberala. Ella sustegn l'avertura dal martgà. Quella promovia l'innovaziun e rinforzia ils consuments. Vitiers saja ella ina premissa impurtanta per la cunvegna d'electricitad cun l'UE, scrivan ils Verd-liberals.
La consultaziun davart la revisiun da la lescha da provediment è entant a fin.
RR novitads 17:00