Siglir tar il cuntegn

Svizra Resort cun 90 abitaziuns

La radunanza communala da Meiringen en il chantun Berna ha dà glisch verda per in implant da vacanzas amez il vitg. Meiringen ha decidì da vender ina surfatscha dad 8'000 meters quadrat sin l'uschè numnada Sauvagematte.

il vitg da Meiringen
Legenda: Meiringen di gea ad in vitget da vacanzas en il center dal vitg. Keystone

Promoturs dal Grischun e dal chantun Turitg planiseschan in resort cun 90 abitaziuns e 300 letgs chauds. L'interess per questa radunanza è stà uschè grond ch'ins ha stuì dischlocar las 579 votantas e votants davent da l'aula en la baselgia dal vitg.

Investiders enconuschents

Per il vitget da vacanzas stattan a disposiziun 12'000 meters quadrat cunquai che dus ulteriurs possessurs da terren èn pronts da vender lur parcellas sin la Sauvagematte. I sa tracta da Haslital Tourismus e la vischnanca Meiringen, ina corporaziun da territori. Ils sviluppaders dal project èn enconuschents en la scena. Els han gia fatg il vitget da vacanzas a Breil, en Surselva. In dals promoturs è Marcel Friberg, il president da Grischun Vacanzas.

La vendita dal terren vegn realisà sulet lura sch'ils promoturs sa tegnan vid lur empermischun e cumenzan entaifer «in temp nizzaivel» cun la construcziun dal vitget da vacanzas che custa radund 26 milliuns francs.

RR novitads 08:00