L'organisaziun americana per la protecziun da l’ambient «Global Footprint Network» calculescha mintg’onn l'uschenumnà «Overshoot day». Quai è in di simbolic ch'inditgescha: davent d'ussa duvrass il mund resursas che na creschan betg pli suenter. Il resultat da quai èn runcadas, extincziun da spezias e destrucziun d'ecosistems.
«Overshoot day», declerà curt e cumpact
«Swiss Overshoot day» gia bunamain trais mais
Sche tut la glieud vivess sco quella en Svizra, fissan las resursas biologicas da l'entir mund gia duvradas avant bunamain trais mais: numnadamain ils 13 da matg. Da quai consumescha la populaziun da la Svizra, lunsch ora sur sias atgnas capacitads:
La Svizra retira 77% da sias resursas biologicas da l'exteriur. Quai cunzunt per nutriment e mobilitad e bajegiar e stgaudar.