Cun quest scumond da reclama parzial vul il Cussegl federal proteger meglier la sanadad publica, quai cunzunt tar la giuventetgna. Sin kioscs, automats e spezialmain tar festivals duain ils concerns da tubac però vinavant astgar far reclama.
Organisaziuns han tematisà scumond total
Organisaziuns da sanadad e da giuvenils pretendan dentant in scumond total da reclama per cigarettas. Questas organisaziuns renfatschan a l’industria da cigarettas dad far reclama directamain per ils giuvens.
Diversas associaziuns economicas e partidas burgaisas na partan betg questa vista. Per part teman ellas deficits, per part crititgeschan ellas ch'in tal scumond saja in'intervenziun en la libertad d'economia.
Il Cussegl federal ha incumbensà il Departament federal da l’intern dad elavurar in messadi tar la lescha da tubac fin l’atun.
RR novitads 15:00