Siglir tar il cuntegn

Header

cuntegn

Restricziun dal donn SECO tschertga soluziuns per branschas pertutgadas

L’epidemia vegnia er ad avair consequenzas per l’economia da la Svizra. Quai ha ditg la scheffa dal secretariat da stadi per l’economia SECO Marie-Gabrielle Ineichen-Fleisch en la «Samstagsrundschau» da Radio SRF.

La Confederaziun veglia perquai sustegnair interpresas pertutgadas cun differentas mesiras. Il SECO stettia perquai en contact cun differentas interpresas e gremis. Per chattar schliaziuns stoppian ins chapir tge problems ch’existan e sche quels stettian en connex cun il coronavirus. Simplamain dar or daners na saja dentant betg ina schliaziun.

Cumpareglià cun crisas d'antruras, sco per exempel la crisa dal martgà da finanzas u la crisa dal franc, nua ch'oravant tut l'economia d'export ed il turissem eran pertutgads pateschan ussa tar il coronavirus era interpresas dal martgà naziunal, sco per exempel organisaturs.

«Schliaziuns sin mesira»

L'indemnisaziun per lavur curta saja ina buna mesira, na gidia dentant betg en tut ils cas. Lavur curta possia vegnir garantida ditg. Segirtad da planisaziun saja per l'economia extrem impurtanta. Cler na è vegnì ditg a la pretensiun d'in program da conjunctura. Al mument sajan dumandadas schliaziuns a curta vista. La SECO lavuria intensiv vid bunas soluziuns.

«Samstagsrundschau» dals 07-03-2020 (tud.)

audio
Das Coronavirus und die Forderungen der Schweizer Wirtschaft
ord Samstagsrundschau dals 07.03.2020. Maletg: Keystone
laschar ir. Durada: 29 minutas 16 Secundas.

RTR novitads 14:00

Artitgels legids il pli savens