Siglir tar il cuntegn

Header

cuntegn

Restructuraziun Manor serra pliras butias

Il detaglist che ha da cumbatter cun difficultads, restructurescha – plirs tozzels collavuraturs e commembers dal cader èn pertutgads da questas mesiras, scriva Manor en ina communicaziun.

Il negozi a Bachenbülach, chantun Turitg, vegn serrà per la fin d'avrigl 2020. Da quai sajan 27 collavuraturs pertutgads. Ins sa sprovia dentant da chattar schliaziuns entaifer l'interpresa u sin il martgà da lavur regiunal. In plan social vegnia elavurà. Quai scriva Manor.

Plinavant na vegnian 2 dals total 31 supermartgads betg pli manads enavant. Pertutgà èn Liestal e Delsberg. Qua vegnia mintgamai tschertgà ina schliaziun.

Er la direcziun sto laschar plimas

Er las structuras da direcziun vegnan adattadas e custan plazzas. La strategia da colliar singuls negozis en ina cumbinaziun vegnia uss realisada sin l'entira lingia. 60 negozis da Manor vegnan uss colliads en 28 unitads da vendita. Questa midada pertutga in tozzel directurs da negozis e radund 40 collavuraturs, scriva Manor vinavant.

Da l'auter maun duai il commerzi online vegnir rinforzà. En la sparta digitala e da l'infrastructura da l'informatica duai dar quest onn passa 30 novas plazzas.

Ils 31 da schaner serra il Manor a Turitg per adina:

Video
Or da l'archiv: Manor banduna la via da la staziun a Turitg
Or da Schweiz aktuell dals 23.09.2019.
laschar ir

RTR novitads 16:00

Dapli da Svizraavrir la Landingpage

Nach links scrollen Nach rechts scrollen