Tenor il Departament federal da finanzas è il deficit uschè aut, perquai che la gronda part da las expensas en connex cun la pandemia èn pir sa mussadas durant l'onn, cura ch'il budget era gia daditg fatg. Per superar la pandemia ha la Confederaziun investì 14 milliardas francs. 12,3 milliardas da quai èn vegnids cudeschads sco extrada extraordinaria.
Las entradas sajan dentant stadas «robustas», uschia il Departament federal da finanzas. Ellas èn creschidas per 5,6% sin 76,1 milliardas francs. La regenza quinta dentant da pudair returnar il 2023 tar ina politica da finanzas normala.