Aczias, obligaziuns ed autras investiziuns en il fond da gulivaziun hajan registrà quest onn in resultat positiv, uschia Manuel Leuthold, il president da Compenswiss, en l'intervista cun la «Handelszeitung». Perquai saja il 2019 in fitg, fitg bun onn. La rendita muntia a 9%. Cun quel resultat vegnia il deficit pli che gulivà tar la AVS. Quai valia dentant be per quel onn.
Il fond da gulivaziun da la AVS na vegn betg ad esser vid il 2030, mabain pir il 2035.
Problems d'AVS betg schliads
Tuttina na sajan ils problems da la AVS uschia betg schliads, di il president da Compenswiss. A lunga vista stoppia la AVS puspè star sin chommas segiras. Cun il Gea a l'urna il matg passà per il pachet fiscal e da l'AVS survegn l'AVS a partir dal onn nov duas milliardas francs dapli. Cunquai vegnian ils problems da l'AVS spustads per quatter u tschintg onns, uschia Leuthold.
Ord l'archiv:
RTR novitads 06:00