Siglir tar il cuntegn

Svizra Resultats manglus per producents da vin

Ils controlladers da vin han denunzià l’onn passà 36 manaschis pervi dad etichettas faussas e da maschadar vins. Quai sajan dubel uschè blers manaschis sco il 2013, ha communitgà la Controlla da la vendita da vin (SWK) ensemen cun ils chemichers chantunals.

In um derscha vin en in vasch da vaider.
Legenda: La qualitad dal vin duai era vegnir augmentada cun porscher dapli scolaziun. Keystone

En tut sajan vegnids controllads 1815 manaschis. Tar dapli che la mesadad n'haja quai dà nagut da dir. Tar sur 850 manaschis sajan vegnids constatads mancos formals, ha il manader da la controlla da vin ditg a las medias.

Novizs dattan en egl

In basegn d’agir vesa la SWK tar ils novizs en la fatschenta da vin. Tar 80% dals 352 manaschis novs ha ella observà problems. Quels pertutgan cunzunt contabilitads manglusas e sbagls tar la documentaziun.

Augmentar la scolaziun professiunala

Nov vul la SWK perquai schlargiar l’offerta da scolaziun. Ultra da quai vul l’organisaziun porscher era en la Svizra tudestga in curs pertutgant la situaziun da dretg e la garanzia da la qualitad.

RR novitads 12:00