Siglir tar il cuntegn

Header

cuntegn

Retschertga Be mintga segund è cuntent cun la lavur dal Cussegl federal

Tenor ina nova retschertga da Tamedia e «20 Minuten» èn be la mesadad da las persunas dumandadas cuntenta cun la lavur dal Cussegl federal. Il december 2021 eran quai anc 65%.

Betg be il gremi collectiv e vegnì main popular. Er il sustegn per ils singuls cussegliers e las singulas cusseglieras federalas è crudà dapi la davosa retschertga. Sin ina scala dad 1 fin 6 han tuts auter che Ignazio Cassis survegni notas pli nauschas. Guy Parmelin (da 4,11 sin 3,84) e Simonetta Sommaruga (da 4,00 sin 3,66) han pers il pli bler da l'approvaziun.

Mo trais da set cussegliers e cusseglieras federalas survegnan ina nota suffizienta. La meglra nota datti per Alain Berset cun in 4,11. La pli nauscha valitaziun datti per il current president da la Confederaziun Ignazio Cassis.

Notas per cusseglieras e cussegliers federals

Alain Berset 4,11
Karin Keller Sutter 4,05
Viola Amherd 4,02
Guy Paermlin 3,84
Ueli Maurer 3,81
Simonetta Sommaruga 3,66
Ignazio Cassis 3,51

In motiv per questa diminuziun d’approvaziun pudess esser ch'il focus da la populaziun n'è betg pli sin la politica da corona. En quel sectur era la populaziun per gronda part cuntenta cun la lavur (75% cuntents). Ussa numnan ils dumandads da la retschertga ils custs da sanadad ed il provediment per la vegliadetgna sco problems politics ils pli urgents. Plinavant e mo 65% èn dal tuttafatg u per part da buna speranza ch'il cussegl federal garanteschia in provediment d'energia segir durant l'enviern.

Davart la retschertga

Avrir la box Serrar la box

La retschertga è vegnida fatga sin incumbensa da Tamedia e «20 Minuten». 26'000 persunas èn vegnidas dumandadas. Ils resultats èn lura vegnids analisads tenor variablas demograficas, geograficas e politicas.

Or da l'archiv:

audio
Retschertga da Sotomo mussa: Fidanza en Cussegl federal è ì a perder
ord Actualitad dals 30.10.2020.
laschar ir. Durada: 5 minutas 15 Secundas.

RTR novitads 7:00

Artitgels legids il pli savens

Scrollar a sanestra Scrollar a dretga